~ رمضان علمنى اسامح ~

~ رمضان علمنى اسامح ~
اسامح

كلمه غاليه اوى
ولكن ممكن تكون عندى وعندك صعبه
ولكن لما نعرف يعنى ايه الكلمه دى واجرها ايه
هتكون اكيد سهله جدا

بص الاول ربنا قال ايه
بسم الله الرحمن الرحيم
( ادفع بالتي هي أحسن فإذا الذي بينك وبينه عداوة كأنه ولي حميم)

ياااااااااااااا ه
كل اللى هتعمله
هتعامل اى واحد بأسلوب كويس
واللى قدامك
لو كان عدو
هيتحول الى انتيم

برده حبيبنا النبى
قال
(رحم الله رجل سمحا اذا باع واذا اشترى واذا اقتضى )
عارف يعنى ايه
رحم الله
اولا دى فى الماضى
يعنى رحمه ربنا وقعت بالفعل على الراجل ده
راجل بيسامح
لما يبيع
ولما يشترى ولما
يقتضى
وهى مبادله السلعه باخرى

يعنى لما تركب وسيله مواصلات
ويكون مفيش فكه
كبر دماغك
وقول للسواق
خلاص
مسامح
ماتقفش على النص شيكل
او حتى الشيكل
اعتبره ضاع منك
او حتى طلعته صدقه

والتسامح مايكونش بس
فى الفلوس
برده
فى التعامل
مع الغير

هقولك على قصه صحابى
النبى شهد له بالجنه
عارف ليه ؟؟!!
علشان قبل ما ينام يقول
يارب انا مسامح اى حد غلط فى حقى
وكان صحابى عادى جدا فى الصلاه والصوم
ولكن دى حته جامده اوى

وغير كده
ربنا سبحانه
قال
( وليعفوا وليصفحوا ألا تحبون أن يغفر الله لكم )
ممكن تجاوب
هل انت عاوز ربنا يغفر لك ؟؟

طالما انت عاوز
خلاص
يبقى ماتقفش للناس على الواحده
وماتنساش
كلنا بنغلط
واكيد انت بتقع فى الغلطات دى وانت مش قصدك
يبقى تسامح علشان الناس تسامحك

واحب اختم بالايه دى
" وإن تعفوا وتصفحوا وتغفروا فإن الله غفور رحيم "
ايه رايك ؟؟
شفت الشرط
لما تعمل كده هتلاقى ربنا غفور رحيم
يبقى كلنا لازم نسامح
علشان نلاقى ربنا غفور رحيم

يلا بقى
لازم نبدأ فى التغيير
واكبر فرصه للتغيير
دلوقتى
كله يبدأ
ماتقفش للناس على الواحده
سامح
بلاش تخنق حد فى التعامل
عامل الناس بما تحب ان يعاملوك به

اشهد يارب اني سامحت كل مين أخطأ في حقي

الله يعطيك العافية يا الغالي

ومشكور على جهدك

تحياتي لك.

السلام عليكم ورحمة الله بركاتة

جزاك الله كل خير

ووفقك الله

ومن العايدين إن شاء الله.

السلام عليكم ورحمة الله بركاتة

جزاك الله كل خير

ووفقك الله

ومن العايدين إن شاء الله.

» اللهم بلغنا رمضان ( أكثر من 1000 محاضرة صوتية خاصة بشهر رمضان )
» ثلاثين دعاء لثلاثين يوم في رمضان دعاء رمضان لثلاثين يوم في رمضان
» في رمضان
» مسجات رمضان
» توبة في رمضان

صفحة 1 من اصل 1