نايف وسلمان
أحمد سعود الحمدنشر في الرياض يوم 15 - 11 - 2011
حي القرار اللي صدر فيه مرسوم
فيه البشاير والنقى والمسره
ثقة ملك يحضى بها كل شغموم
وصل صداها فوق حد المجره
ما حازها الا من وفاء دايم الدوم
الطيب من ساسه وعنده مقره
هذاك من يعطي ولاهوب محروم
منه المكارم والصخاء والمبره
نايف ولد من ورث زحول وقروم
ذخر الوطن في وقت برده وحره
حازم وصارم بالمواقف وزيزوم
يحسب حساب الوقت خيره وشره
منهج حياته يعطي دروس وعلوم
ما ضاع من مبداه مثقال ذره
بالعدل ينصف بين ظالم و مظلوم
ولا كل عاصف عن مساره يفره
سيف الحقايق ما غزا حده ثلوم
الحق بين ما يبي قص جره
وبعد القرار الاول الخير مقسوم
الخير وافق كرة بعد كره
مرسوم ثاني لا ابيض الوجه مختوم
ومن صدر المرسوم لله دره
يخص من بيدينه الطيب محكوم
عسى صواديف الدهر ما تمره
سلمان ما احد في مواقيفه يقوم
نظرات عينه بالزمن ما تغره
حكيم راي ويملك افكار وعزوم
حر وفاء بالفعل والدار حره
الدار عاشت عز بالامس واليوم
يالله تبعد عن وطنا المضره
* الزلفي
مواضيع لم
تغذية rss
أفضل 20عضو
أفضل اعضاء اليوم
جديد المواضيع
مشـــــاركاتي
قوانين المنتدى
التسجيل
الثلاثاء 25 ديسمبر - 19:43
